"Lectio Divina 2017" was inaugurated by Rev Fr Ivan, along with Parish Priest Vincent Lobo Nirmalapadav on December 31st 2016 during New Year celebration mass, the members of Bible Commission of the parish were also present.
Fr Ivan, unveiled the Lectio Divina banner in front of the gathering during mass.
The theme of Lectio Divina is :
ಉಡುಪಿ ದಿಯೆಸೆಜಿನ್ ಪರ್ಗಟ್ ಕೆಲ್ಲೆಂ ಲೆಕ್ಸಿಯೊ ದಿವಿನಾ ವರಸ್ 2017ಚೆಂ ಚಿತ್ರ್ (Logo), ನಿವೃತ್ತ್ ಪಾಪಾ ಬೆನೆದಿಕ್ತ್ ಸೊಳಾವ್ಯಾನ್ 30 ಸಪ್ತೆಂಬರ್ 2010ವೆರ್ ದಿಲ್ಲ್ಯಾ ‘ಸೊಮಿಯಾಚೆಂ ಉತಾರ್’ ಆಪೊಸ್ತಲಿಕ್ ಶಿಕೊವ್ಣೆ ಥಾವ್ನ್ ಆನಿ ಪಾಪಾ ಫ್ರಾನ್ಸಿಸಾನ್ 20 ನವೆಂಬರ್ 2016ವೆರ್ ದಿಲ್ಲ್ಯಾ ‘ಕಾಕುಳ್ತ್ ಆನಿ ದಳ್ದಿರ್‍ಪಣ್’ ಆಪೊಸ್ತಲಿಕ್ ಪತ್ರಾ ಥಾವ್ನ್ ಪ್ರೇರಿತ್ ಜಾಲ್ಲೆಂ. ಚಿತ್ರಾಚ್ಯಾ ಹರೆಕಾ ಚೌಕಾಂತ್(quadrant) ಆಸ್ಚೆ ಚಾರ್ ಸಂಕೇತ್, ಲೆಕ್ಸಿಯೊ ದಿವಿನಾಚೊ ಸಾರ್ಕೊ ಆರ್ಥ್ ದಿಂವ್ಚೆ ದಿಶೆನ್ ಹ್ಯಾ ವಿಧಾನಾಂತ್ ಆಸ್ಚ್ಯಾ ಚಾರ್ ಹಂತಾಂಚ್ಯಾ ಲಾತಿನ್ ಸಬ್ಧಾಚ್ಯಾ ಪಯ್ಲ್ಯಾ ಅಕ್ಷರಾ ರುಪಾರ್ ಕೆಲ್ಯಾತ್:
ವಾಚಪ್ (ಲೆಕ್ಸಿಯೊ – Lectio)
ಪಯ್ಲ್ಯಾ ಚೌಕಾಂತ್ L ರಿತಿರ್ ಆಸಾ ಉಗ್ತೊ ಆಸ್ಚೊ ಪವಿತ್ರ್ ಪುಸ್ತಕ್. ಹೊ ಲೆಕ್ಸಿಯೊ ದಿವಿನಾ ವಿಧಾನಾಚ್ಯಾ ಪಯ್ಲ್ಯಾ ಹಂತಾಚೊ, ಪವಿತ್ರ್ ಪುಸ್ತಕಾಚ್ಯಾ ವಾಚ್ಪಾಚೊ ಸಂಕೇತ್.
ನಿಯಾಳ್ (ಮೆದಿತಾತ್ಸಿಯೊ - Meditatio)
ದುಸ್ರ್ಯಾ ಚೌಕಾಂತ್ M ರಿತಿರ್ ಆಸಾ ದೆವಾ ಮುಕಾರ್ ಉಬೊ ಆಸ್ಚೊ ದೆವಾಚ್ಯಾ ಉತ್ರಾಚೊ ಶಿಸ್. ಹೊ ಶಿಸ್ ದೆವಾಚ್ಯಾ ಉತ್ರಾ ಮುಖಾಂತ್ರ್ ದೆವಾಚಿ ಖುಶಿ ಜಾಣಾ ಜಾಂವ್ಕ್ ಸೊದ್ತಾ.
ಮಾಗ್ಣೆಂ (ಒರಾತ್ಸಿಯೊ – Oratio)
ತಿಸ್ರ್ಯಾ ಚೌಕಾಂತ್ O ರಿತಿರ್ ಆಸಾತ್ ಮಾಗ್ಣ್ಯಾಚೆ ದೋನ್ ಹಾತ್. ಹೆ ಹಾತ್ ದಿಸ್ಪಡ್ತ್ಯೆ ಜಿಣಿಯೆಂತ್ ದೆವಾಚ್ಯಾ ಉತ್ರಾ ಥಾವ್ನ್ ಮೆಳ್‍ಲ್ಲೊ ಸಂದೇಶ್ ಜಿಯೆಂವ್ಕ್ ದೆವಾಚೊ ಆಧಾರ್ ಮಾಗ್ತಾತ್.
ಆಟೊವ್ಣಿ (ಕೊಂತೆಪ್ಲಾಸಿಯೊ – Contemplatio)
ಚೊವ್ತ್ಯಾ ಚೌಕಾಂತ್ C ರಿತಿರ್ ಆಸಾ ಆಪ್ಲಿ ತಕ್ಲಿ ಬಾಗಾವ್ನ್ ದೆವಾಚ್ಯಾ ಉತ್ರಾಕ್ ಖಾಲ್ತಿಮಾನ್ ಘಾಲ್ಚೊ ಶಿಸ್. ಹೊ ದೆವಾಚ್ಯಾ ಉತ್ರಾ ಮುಕಾಂತ್ರ್ ತಾಚೊ ಮೋಗ್ ಅನ್ಭೊಗ್ ಕರ್ತಾ ಆನಿ ಆಪ್ಣಾಚೆಂ ಕಾಳಿಜ್, ಮನ್ ಆನಿ ಜಿವಿತ್ ದೆವಾಕ್ ಸಮರ್ಪಿತಾ.
ಚಿತ್ರಾಚ್ಯಾ ಮಧೆಂ ಆಸಾ ಆಮ್ಚ್ಯಾ ಸೊಮಿಯಾ ಜೆಜುಚೊ ಖುರ್ಸಾಚೊ ಘುರ್ತ್. ಲೆಕ್ಸಿಯೊ ದಿವಿನಾ ಪಕತ್ತ್ ದೆವಾಚ್ಯಾ ಉತ್ರಾಚಿಂ ದಿರ್ವಿಂ ಆಮ್ಕಾಂ ಉಗ್ತೆಂ ಕರ್ತಾ ಮಾತ್ರ್ ನ್ಹಯ್, ಜಿವಂತ್ ದೆವಾಚೆಂ ಉತಾರ್ ಜಾವ್ನಾಸ್ಚ್ಯಾ ಜೆಜು ಕ್ರಿಸ್ತಾಕ್ ಮುಖಾಮುಖಿ ಭೆಟುಂಕ್ ಆಧಾರ್ ದಿತಾ. ಭಾಯ್ಲ್ಯಾ ವೃತ್ತಾ ವಯ್ರ್ ಆಸ್ಚೆಂ ಲೆಕ್ಸಿಯೊ ದಿವಿನಾ ಹರೆಕಾ ಘರಾಂತ್ ಹರೆಕಾ ಕುಟ್ಮಾಂತ್ ಧ್ಯೇಯ್ ವಾಕ್ಯ್ ಹ್ಯಾ ಲೆಕ್ಸಿಯೊ ದಿವಿನಾ ವರ್ಸಾಚೊ ಉದ್ಧೇಶ್ ಆಮ್ಚೆ ಮುಖಾರ್ ದವರ್ತಾ.
